NIABOT na sa Probinsya Zamboanga del Sur ang patay nga lawas ni Cadet 3rd Class George Karl Magsayo ning adlaw nga Martes, kon asa sakay kini sa eroplano gikan National kauban ang inahan niini.
Atol sa pagtagbo gikan sa Pagadian City airport mihatag ug isip pagrespeto ang mga kawani sa kapulisan ngadto sa batan-on nga Cadete sa PNPA.
Sa pakighinabi ngadto sa pamilya sa biktima nga lisod para kanila nga dawaton ang kamatayon ni Karl ug dili matud pa nila ma-isip nga sa kalit lang nawala ug natapos ang pangandoy sa batan-ong cadete. Dugang pa niini nga sa pagkakaron wala pay pormal nga plano ang pamilya ug ilaha sang i-plastar ang haya niini ug handumon ang pipila ka adlaw nga madungaw ang biktima.
Kahinumduman nga namatay si Magsayo tungod sa Cardio-Respiratory Arrest kon asa nahimong biktima na usab sa Hazing. Hisayran nga ang suspect nga nailang si Cadet 2nd Class Steven Ceasar Maingat ang nag-atubang na karon sa kasong pagsupak sa Republic Act 11053 kon Anti-Hazing Law of 2018 nga miresulta sa Homicide.
#VictoryZamboangaDelSur #NoToHazing
