Pagadian City – MOKABAT na sa 105,837 ang kinatibuk-ang ihap sa mga fully vaccinated individuals sa Zamboanga del Sur subay sa datos nga gipagawas sa Provincial Integrated Health Office adlawng Mierkules, Septembre 22, 2021.
Sa mao gihapong report, mototal 206, 614 ang total doses nga nahatag sa mga Zambosurian sukad magsugod ang vaccination roll-out sa gobyerno samtang 100,777 ang total number of individuals nga nakadawat na sa ilang first dose ug nagpaabot pa sa ilang second dose.
Labot sa matag priority groups nga nabakunahan, anaa sa 14,899 ang fully vaccinated sa mga frontline health care workers kun A1 samtang 25,749 nakakumpleto na og bakuna sa mga senior citizens kun A2.
Sa mga persons with comorbidities kun A3, anaa na sa 49,868 ang fully vaccinated samtang 14,667 ang nakakumpleto na sa bakuna sa mga essential workers kun A4. Ang mga indigenous population kun A5 priority group miangkon og 654 ka fully vaccinated individuals apan 5,171 niini ang nakadawat na sa first dose.
Ang COVID-19 vaccination sa lalawigan naka-schedule matag Lunes, Mierkules ug Biernes nga ginahimo sa Provincial Capitol Covered gikan alas-8:00 sa buntag hangtod sa alas-11:00 sa buntag ug ala-1:00 hangtod alas-3:00 sa hapon.
Sa dili madugay, pagahimuon na nga digital ang registration sa mga gustong magpabakuna pinaagi sa usa ka online system nga gimugna sa Communication and Information Systems Office aron mas mapadali ang pagparehistro sa mga gustong mo-avail sa COVID-19 vaccines sama sa Sinovac, Astrazeneca, Pfizer ug Moderna.
#VictoryZamboangaDelSur #BidaAngBakunadongZambosurian #weHealAsOne
