Anaa na sa maayong kahimtang si Governor Victor J. Yu human kini magpositibo sa COVID-19 adlawng Martes, Agosto 31.
Kini ang gibutyag ni Dr. Anatalio Cagampang Jr. atol sa pakighinabi kaniya sa media adlawng Huwebes.
Kahinumduman sa iyang official statement kaniadtong adlawng Martes, gipahayag ni Gov. Yu nga nakasinati kini og mild to moderate symptoms sama sa ubo, sipon ug panakit sa kalawasan hinungdan nga nagpa-admit kini sa balay-tambalanan alang sa paspas nga recovery.
Apan bisan pa man sa iyang kondisyon, padayon nga nagtrabaho ang gobernador pinaagi sa pag-preside sa mga virtual meeting ug pagtubag sa mga phone calls isip amahan sa lalawigan nga naghatag og tinuod nga serbisyo sa katawhan.
Sa pagkakaron, lagsik na ang kondisyon ni Gov. Yu ug gitiwas na lamang ang quarantine period isip pagsunod sa health protocol.
Samtang naka-quarantine ang gobernador, wala kini magmakuli sa paggahin og kaugalingong salapi aron ipalit og 200 ka tangke sa oxygen, 40 folding beds, 4 ka water dispenser ug mga insulator para ibutang sa mga tents aron dili kaayo mainitan ang mga pasyente nga anaa sa gawas sa Zamboanga del Sur Medical Center.
Paghangyo ni Gov. Yu sa mga Zambosurian, dili magkompyansa tungod kay dili makita ang kaaway apan kinahanglang mag-amping sa kaugalingon og mosanong sa mga minimum health standards nga gipatuman sa departamento sa panglawas aron malikay sa COVID-19.
#VictoryZamboangaDelSur
