NAGMALAMPUSON ang gihimong lima ka adlaw nga training sa mga pinili nga Army Personnel sa mga nagkanda-iyang section sa 53rd Infantry Batallion, may kalabutan sa Social Media kon unsaon nga mahimong maayu ug impormative ang mga e-post sa social media.
Atol sa ika-lima ka adlaw nga training gi-tudlo ni Provincial Information Officer Jessrel Himang isip napili nga speaker ang ka-importante sa paggamit niini ug kinahanglan mahibaluan sa usa ka social media user ang kon unsay ginadili ug pwedi nga buhaton sa panahon nga mag post na sa social media ilabi na sa mga panghitabo ug paghatag sa insaktong impormasyon.
Gibutyag ni Civil Military Officer George Yu nga ang gihimong training sa kasundaluhan usa ka crosstrain, photography ug videography, kon asa gi-recognize niini ang emerging technology diin makita na sa mga katawhan ang nagkalain-laing panghitabo sa social media gamit ang iya-iyang gadget.
Dugang pa niini nga gihimo ang maong training aron mapalambo pa ang kahanas sa kasundaluhan ug mga volunteer sa 53rd IB Matapat Batallion sa pagcapture sa tarong nga mga litrato, matud usab ni Yu nga usa kini ka stratiheya aron adunay maayong kumonikasyon sa kumunidad ug dili lamang sa kasundaluhan apil na usab sa effort sa Gobyerno.
Sa katapusan dako usab ang pasalamat ni Private 1st Class Jay-ar Casttillano sa Headquarter Section ug ni CMO NCO, Civil Military Operation sa Alpha Company- non commission officer nga si Sgt. Elias Gomera ug sa uban pang mga kauban, tungod dako ang natampo niini sa ilang kaugalingon.
